Шүүхийн шийдвэр гүйцэтгэх ерөнхий газрын харьяа Өмнөговь аймаг дахь Шүүхийн шийдвэр гүйцэтгэх газрын “Гэмт хэрэг, зөрчлөөс урьдчилан сэргийлэх ажлыг зохион байгуулах салбар зөвлөл” нь шүүхээс хорихоос өөр төрлийн ял шийтгүүлсэн болон тогтоолын биелэлтийг хойшлуулсан этгээдүүдийг дахин гэмт хэрэг, зөрчлөөс урьдчилан сэргийлэх, ажлын байранд зуучлах зорилгоор аймгийн Цагдаагийн газар, Хөдөлмөр халамжийн үйлчилгээний газартай хамтран хяналтад байгаа тогтоолын биелэлтийг хойшдлуулсан этгээдүүдэд Зөрчлийн тухай хууль болон Эрүүгийн хуулийн талаар сургалт зохион байгууллаа.
Энэ үеэр Хөдөлмөр, халамжийн үйлчилгээний газраас 2024.03.01-ний өдрөөс хэрэгжиж эхлэх төсөл, хөтөлбөрийн талаарх мэдээллийг өглөө.
